Gabi ng November 21, Biyernes pa dapat ang Opening ng Paskuhan sa Lasam@75 ngunit naantala ito dahil sa pag-uulang dulot ng Shearline Weather. Natuloy na nang umaliwalas ang panahon, Lunes ng gabi.

Maraming “ganap” ngayong Paskuhan sa Natalged a Lasam 2025 dahil bahagi pa rin ito ng pinahabang selebrasyon ng 75^th Anniversary ng “Aldaw ti Lasam.”

Banchetto, Local Products Fair. Pormal munang binuksan ng LGU-Lasam officials ang Food and Non-food Products Fair sa Natalged Park. Magpapatuloy ito hanggang first weekend of 2026.

Paskuhan Opening Program. Nagbigay ng Welcome Address si SB Wilson F. Constantino, Committee Chair on Tourism; Pamaskong Mensahe si Vice Mayor Dannah Paula T. Agatep; bago ideklarang bukas na ang Paskuhan 2025 at mag-countdown para sa Ceremonial Lighting ni Mayor Dante Dexter A. Agatep.

Hudyat ng mahigit isang buwang Paskuhan ang sabayang Pailaw sa Natalged Park, Natalged Arena, at Pamilihang Bayan ng Lasam.

Ganap sa Natalged Arena. Kasabay ng pailaw, nagliwag din ang naggagandahang Christmas Trees ng 30 barangays. May patimpalak sa Christmas Tree na yari sa alinman bamboo species, bilang pagsuporta sa umuusbong na bamboo industry ng Bayang Lasam. May patalbugan din ng Bamboo Christmas dećor ang bawat opisina ng LGU.

Lang-ay ken Liwliwa. Tumugtog ng local at popular Christmas tunes ang Natalged Band. Sinabayan ito ng sayaw ng mga bisita mula sa Provincial Tourism Office. Abangan "Lang-ay ken Liwliwa Idiay Parke," tuwing hapon ng Biyernes.

Fireworks Show. Bago matapos ang Gabi ng Pailaw, kumutitap ang kalangitan sa Fireworks Show. Marami-rami ang nag-post sa Facebook nito at iba pang eksena.

Sa mga susunod na araw, magigiging epicenter ang Natalged Arena ng Paskuhan events tulad ng CHRISTMAS VARIETY SHOW, HIP HOP & D HOP SONG CONTESTS, LITTLE MR & MS LASAM, AT GABI NG PARANGAL: PAGKILALA SA GALING NG LASAMEÑOS.

Maaari ring ganapin ang BINGO BONANZA sa NATALGED ARENA o NATALGED PARK depende sa lagay ng panahon.

Inaanyayahang bumisita ang publiko sa Natalged Park at i-enjoy ang sari-saring nightly attractions:

• makalalaro ang mga bata sa Children's Playground;
• makabibili ng local food and nonfood products; at
• magpa-picture sa maraming Instagrammable setups.

IPINAALALA ANG UGALING "CLEAN AS YOU GO" SA LAHAT NA BIBISITA SA NATALGED PARK AT NATALGED ARENA.