Maysa a produktibo a dayalogo ti naangay iti opisina ti DA RO2 nga inatenderan da Dr. Marvin Luis, Asst. Division Chief kadagiti nadumaduma a Farmers Organization babaen ti inisyatibo ti opisina ni SEN. IMEE R. MARCOS thru Mam Delia U. Barut ken LGU babaen ti liderato ni Mayor Dexter A. Agatep tapnu mapan mataming dagiti issues a pakaseknan dagiti mannalon. Kadua ni Mayor Dexter Agatep da Vice Mayor Randy Cambe, SB Renato Paat Jr., SB Rowell Constantino, SB Federico Castro, SB Felix Gerardo ken Mam Beth del Rosario.

Dagitoy dagiti napanda napagpapatangan:  

1) Nangatu nga presyo ti abono: Awan pulos ti kontrol ti LGU ti nangatu a presyo ti abono, ti produksyun ti abono ket sumursurot iti presyo ti petrolyo. Ti produksyun ket maararamid iti ballasiw taaw, mainayun pay ti hauling fees ken dadduma pay. Rekomendasyun dagiti eksperto ti opisina ti DA RO2 ti pangusar ti BALANCE FERTILIZATION (50% oraganic + 50% inorganic).

2) Nangatu a presyo ti farm inputs: Saan a kontrolado ti lokal a gobyerno ti presyo, umuna, saan nga ditoy lugar tyo ti paggappuan ti produksyun dagitoy a kasapulan ti panagtalun. Kas ti umuna nga issue, karaman ti panagngatu ti presyo ti petrolyo ti panagngatu ti farm inputs. Rekomendasyun ti DA RO 02 ti pannakaorganisa ti farmers cooperatives, tulungan ti gobyerno tapnu isu dantun ti tumulung kadagiti sumarsarunu nga agorganisa. Tay kunada nga BIG BROTHER - SMALL BROTHER.  

3) Pannakaadda ti SOLAR POWER IRRIGATION: Tulungan ti DA RO2 dagiti grupo ti farmers dagiti proceso ti pannakavalidate kadagitoy a request.  

4). Additional subsidy: Adda maited nga P5,000.00 a subsidiya kadagiti mannalun nga 2 ektarya pababa ti taltalunenna provided enrolled ti RSBSA. Daytoy a subsidiya ket inrepresentar wennu pinaponduan ni Sen. IMEE R. MARCOS.

5). Miyembro dagiti asosasyun nga saan nga mabenipisyaran kadagiti farm machineries: Impasigurado ti DA RO2 ti pannakamonitor a nasayaat ti pannakamanehar dagiti asosasyun ken kooperatiba nangnangruna ti financial records da.

6). Nababa wennu awan nayun a pagsapulan dagiti mannalun: Ikalkalikagum ti DA RO2 ti pannkaintroduce ti ALTERNATIVE FARMING kas panagmula ti monggo ken dadduma a root crops kalpasan ti panaggaapit. Sidadaan ti DA RO2 nga tumulung kadagiti pakaseknan dagiti kakabsat a mannalun kasta met ti liderato ni Mayor Dexter Agatep, VM Randy Cambe ken dagiti kameng ti Sangguniang Bayan, agtultuloy ti panagtitinnulungda nga agbiruk ti solusyun kadagiti problema dagiti kakabsat a mannalun para iti #NatalgedaLasam.