Lasam Arena, Nagmistulang Master Chef Kitchen

***Sina Municipal Planning and Development Coord. Rodel T. Urian, ang architect ng Natalged Arena at Municipal Tourism Officer Elmer A. Acierto, isa sa nagsilbing ho*****sts.**

Sa Day 3 ng Tinupig Festival 2023, ginanap ang COOKFEST AT EXOTIC FOOD COMPETITION—isang naiibang paligsahan sa nakaraang isang linggong kapistahan ng Bayan ng Lasam noong June 7-13, 2023.

***Una munang pumili ng sangkap ang mga kalahok sa Pantry na naka-setup sa stage ng Arena.***

Kung nanunuod ka ng Masterchef o ibang cooking shows sa TV, maihahalintulad sa mga ito ang ginanap na Cookfest sa Natalged a Lasam Arena, na siyang bagong peoples' activity center ng Bayan ng Lasam para sa cultural, educational, recreational, sports, o iba pang events nito.

Ang naganap na Natalged Cookfest ay may tatlong categories.

Parent-child Category

Nakatutuwang panuorin ang pares-pares na mag-aama o mag-iinang cooks sa kategoryang ito.

Ani Gng. Edes G. Castro, ang Committee Chair ng Cookfest, hangarin ng event na mailabas ang talento ng mga mag-aanak, at maipakita ang creativity, at pagtutulungan ng mga kalahok.

***Gng. Edes G. Castro, Chairperson ng Natalged Cookfest***

Pinagwagihan ito ng isang mag-ama at tinawag silang Natalged Tandem Cooks.

Ang tinanghal na mag-amang Natalged Tandem Cooks sa Parent-Child Category na sina Prince Jairus at Christopher Ibañes, kasama si Gng. Isabella G. Lozada, Tinupig Festival Directress at SB Member Lilibeth B. del Rosario.

Sa kategoryang ito dapat nasa edad na 6 to 12 years old ang anak na kasama ng isang magulang.

Nagluto sila ng isa putahe mula sa kanilang sariling ingredients. Pagkatapos, nagluto rin sila ng isa pang putahe mula sa piniling ingredients sa pantry. Ang kanilang winning dishes ay Beef Kare-kare at Ginataang Gulay.

Teen Category

Sa kategoryang ito, nagluto naman ang bawat contestant ng isang snack at isang main dish na sasapat sa limang katao, ayon sa time limit.

***Pinagwagihan ni Keith Jacinto ng Cabatacan National High School, ang titulong Natalged Teen Cook, gayundin ang Most Innovative or Gourmet Dish***

Matindi rin ang pasarapan ng luto sa individual Teen Category. Na-impress ni Keith ang judges sa lasa, itsura, at sustansya ng kanyang nilutong Ginataang Fish-Veggies at Egg-roll de Chili.

Exotic Dish Category

Nakatututuwa ang judging na naganap para sa Exotic Food Category dahil sa sari-saring exotic dishes na kailangang tikman.

Si Mayor Dante Dexter A. Agatep, kasama si SB Member Diocelyn B. Damatac (L), Rural Improvement Club President ng Lasam, si MPDO Arch. Rodel T. Urian (R) Judge, at ilang kalahok sa Exotic Dish Category.

***Ilan lamang sa mga exotic dish na inihanda ng mga kalahok.***

May sisig na wel-wel, ginataang abal-abal o agurong, adobong ibong bukid o ibong ilap, at iba’t ibang luto ng igat.

**Ang judging ng pinakamasarap na exotic dish.**

Ang Rural Improvement Club (RIC) ang nag-sponsor sa kategoryang ito.

Nag-champion ang RIC-Magsaysay sa nilutong Boneless Wel-wel, Second place ang RIC-Ignacio B. Jurado sa kanilang Dinuguang Kuhol, at Third place ang RIC-Peru na nagluto ng Ginataang Bayawak.

***Ilan sa mga Taste Connoisseur na nagsilbing judges at si Mayor Dante Dexter Agatep, kasama ang may-bahay at panganay na anak.*** ***Malaki ang pasasalamat ng organizers kay Mayora Sally T. Agatep, na siyang Major Sponsor ng Cookfest***. Nasa kanan ang Co-host na si Jovy Matias

***Sa pagtatapos, pinasalamatan ni*** **Municipal Administrator Benefranco Alvarez ang mga judges, kalahok, sponsors, at organizers ng Natalged Cookfest.**

***Bilang gantimpala, inuwi ng bawat kalahok ang lahat ng kanilang ginamit.***

Text A. Ursua; Photos Jurado Digital Studios

RELATED NEWS

Highlight at mga Pinalakpakan sa SOMA 2025 ni Mayor Agatep

Nasa Ating Gawi ang Sagot sa Suliranin sa Basura

GOVERNMENT LINKS

SOCIAL MEDIA