Indauluan da Mayor Dante Dexter A. Agatep ken Bise Mayor Randy Cambe dagiti kameng ti Sanguniang Bayan ken opisyales ti Lasam-Local Government Unit (LGU) nga bimmisita kadagiti Senador idi Setyembre 27, 2023 tapno i-lobby da dagiti naduma-duma nga proyektos para ti ili ti Lasam.

Insumite ti grupo dagiti project proposal kadagidiay maseknan nga senador: Sen. Imee Marcos, Sen. Francis "Chiz" G. Escudero, Sen. Loren Legarda, Sen. Rissa Hontiveros, Sen. Aquilino “Koko” Pimentel, Sen. Joseph Victor G. Ejercito, Sen. Manuel “Lito” Lapid, Sen. Pia Cayetano, ken Sen. Robinhood Padilla.  

Ni Sen. Ramon “Bong” Revilla (Committee on Public Works) ket dimngeg mismo kagaditi kayat nga isayangkat ti Lasam-LGU. Kasta met ni Delia Urian Barot, Chief of Staff ni Sen. Imee Marcos (Committee on Social Justice, Welfare and Rural Development), nga isu ti nagpaay nga middle-person tapno produktibo dagiti opisyales ti Lasam-LGU kadagiti kalikagum da idiay Senado.

Kadua da Mayor Agatep ken Bise Mayor Cambe nga napan idiay Senado da SB Lilibeth Barut-del Rosario, SB Rowell Constantino, SB Frederico Castro; SB Secretary Francis Calso, EA Isabella Lozada, Municipal Tourism Officer Elmer Acierto ken Public Information Officer Renato Paat, Jr.

Kas parte ti misyon ti delegasyon, immatendar pay dagitoy Opisyales ti Lasam-LGU iti Tourism Travel Mart 2022 idiay SMX Convention Center, Mall of Asia. Naisang-sangayan daytoy a pasken ta naikkan ti gundaway ti duwa nga talento ti musiko nga taga-Lasam nga nagtukar ti harp iti nasyonal nga entablado.

Photos and reporting by SB Lilibeth B. del Rosario