Agdagup ti 115 ti benepisaryo nga istudyante ti nakaawat iti stipend babaen iti Natalged a Lasam Educational Assistance (NALEA) a programa ni Mayor DEXTER A. AGATEP ken dagiti miyembro ti Sangguniang Bayan nga idadauluan ni VM RANDY C. CAMBE.

"Nagasat kayo nga ubbing ta ita nga panawen adu dagiti ahensya ti gobyerno nga agipapaay iti scholarship grants para kadakayo. Maysa laeng ti arapaapmi pakairamanan dagiti nagannak yo, makalpas kayo iti panagadal yo ta isu laeng ti gameng nga saan pulus mapukaw wennu matakaw ti sabali a tao. Usarenyo a nalaing ti inadalyo ta ammuk nga isunto ti mangbalbaliw iti estadoyo iti biag para iti #nataltalgedamasakbayan."

Mensahe ni Mayor Dexter Agatep

Kadua ni Mayor Dexter Agatep da VM Randy Cambe, SB Federico Castro ken SK Fed Pres. Jerwin Manuel bayat ti pannakaiyawat dagiti educational assistance para kadagitoy nga istudyante.