Naangay idi malem ti Dec. 16, 2022 ti “Samiweng ti Paskua,” maysa a pa-contest kadagiti choir ti nadumaduma nga pagadalan ti elementarya ditoy ili ti Natalged a Lasam.
Makadadanag ti pigsa ti tudo kadaydiay a bigat ti Biyernes ngem pimmintas met laeng ti panawen idi malpas pangngaldaw.
Pinaranyag ti nararangrang nga costume dagiti ubbing nga miyembro ti 25 nga choir contestants ti Natalged Park sakbay pay nga mangrugi diay pabuya iti alas tres ti malem.
Nalpas daytoy iti alas siyete ti rabii nga isu pannakaideklara dagiti nangabak:
Champion — Lasam West Central School, winner P 10,000 cash prize
School Head: Dominador Rivera; Trainor: Daisy Balmartino; Conductor: Jenelyn Tagayuna
First runner-up — Aggunetan ES, winner P 8,000 cash prize
SH: Fernando Vega; Trainor: Cherly Callangan; Conductor: Lorna Pascual
Second runner-up — Callao ES, winner P 6,000 cash prize
SH: Rebecca Balbuena; Trainor: Jumelyn Reyes; Conductor Larina U. Bagalayos
Third runner-up — Minanga Sur ES, winner P 5,000 cash prize
SH: Racquel Balbuena; Trainor/Conductor: Gina Valdez
Fourth runner-up — San Pedro ES, winner P 4,000 cash prize
SH: Onofre Galapon; Trainor/Conductor: Liza Lim
Dagitoy ti criteria ti “Samiweng ti Paskua” choral competition: Vocal - 30%, Expression - 25%, Showmanship - 15%, ken Mastery 30%. Nagpaay nga hurado da Mr. Lord Bryan Castillejo, Mr. Ronel Pacubat, ken Ms. Perla R. Bautista. Nakaawat ti consolation prize nga P 3,000 dagiti amin nga non-winning choir.
Ti “Samiweng ti Paskua” choral contest ket insayangkat dagiti opisyales ti Department of Education (DepEd) nga indauluan da Public Schools Division Supervisor (PSDS) Merly C. Tolentino, Ph. D. ; Lasam Central School (LCS) Principal Wilson Constantino; Mrs. Mercy Aragones, Mrs. Sylvia Castillejo, ken dagiti amin nga school heads.
Maysa ti "Samiweng ti Paskua" nga pasken ti Natalged a Lasam Paskuhan ng Bayan. Intalek ni Mayor Dante Dexter Agatep ken ni Mrs. Isabella G. Lozada ti pannaka-organisa daytoy kadwana dagiti miyembro ti Management Committee (Mancom) iti LGU tapno adda pagraragsakan ditoy Natalged a Lasam tatta nga panawen ti Kapaskuaan.#
Dagiti nag-emcee ken nangisayangkat ti Samiweng ti Paskua: SH Raquel B. Jurado, SH Mercy Aragones, Lasam-LGU Events Person Isabella G. Lozada, ken SH Jenil U. Moises (1st photo); SH Sylvia Castillejo, PSDS Merly Tolentino, ken dagiti emcee (2nd photo).