Maysa a dayalogo ti naaramid iti nagbabaetan da Mam Rina Sorongon, Geraldine Moraleda, (staff ni Sen. IMEE MARCOS), dagiti nadumaduma nga opisyales ti Irrigators Association ken Mayor Dexter A. Agatep tapnu umayda ammuen dagiti sentinmiyento dagiti mannalun.

Naaramid daytoy a dayalogo babaen ti inisyatibo ni Mam Delia Barot, Finance Officer ni Sen. Imee Marcos ken Mam Lilibeth Barut del Rosario, napanda inpresentar ken Mayor Dexter Agatep dagiti gandatda tapnu mapagsasaritaan dagiti solusyun dagiti agdama a problema kas ti saan nga malapdan a presyo dagiti abono ken dadduma nga kasapulan ti pagtalun ken ti nababa nga presyo ti irik.

Inrepresentar ngarud ni Sen. Imee Marcos, Chair ti Economic Reforms diay Senado iti opisina ti DA ti kalikagum dagiti mannalun nga manayunan kuma dagiti maited a libre nga bin-i ken abono.

Tapnu mangeg dagiti boses ti mannalun saan laeng nga iti opisina ni Sen. Imee ngem kadagiti dadduma pay a Senador, inkalikagum dagiti staff na nga makipartisipar tayo iti "IMEESOLUSYUN" page tapnu mangeg ken maammuan da dagiti dadduma a concerns dagiti umili nga mabalinda pay nga pangadawan kadagiti reporma nga ilungalung ni Sen. Imee diay Senado. Inpanamnamada ken sisasagana nga mangsungbat kadagiti saludsud dagiti umili.

Idanunmi Sen. Imee Marcos iti naimpapusuan a panagyaman iti panangidanun mu ti gobyerno ditoy ili mi a Lasam. Sapay la kuma ta amin nga napanmi inyurungaing nga problema ket maikkan iti sungbat babaen ti tulungmo para iti #natalgedalasam.